ჩაქვი

ჩაქვი შავი ზღვისპირა კლიმატური კურორტია, რომელიც ბათუმიდან 15 კმ-ში, მდინარე ჩაქვისწყლის ნაპირებზე მდებარეობს. ჩაქვი განსაკუთრებულად მშვიდი სანაპიროებით განთქმული კურორტია, რომელიც, ასევე, გოგირდწყალბადიანი ქლორიდულ-ჰიდროკარბონატული და ნატრიუმ-კალციუმიანი მინერალური წყლითაცაა ცნობილი.

ჩაქვი გარშემორტყმულია მტირალას ეროვნული პარკით, რომელიც ყველაზე უხვნალექიანი ადგილია აღმოსავლეთ ევროპაში. თავისი მნიშვნელობის გამო იგი UNESCO-ს მსოფლიო ბუნებრივი მემკვიდრეობის ძეგლების სიაშია შესული.

ამწვანებული სანაპირო ზოლი, ზღვის უმშვენიერესი ხედები, კეთილმოწყობილი სანაპიროები, კომფორტული სასტუმროები და კაფე-ბარები უამრავ ადგილობრივსა თუ ტურისტს იზიდავს. ჩაქვი ერთ-ერთი შესანიშნავი ადგილია მზიანი სანაპიროების მოყვარულთათვის.

ადამიანს ჩაქვში ჯერ კიდევ ქვის ხანაში უცხოვრია, აქ აღმოჩენილია ბრინჯაოს ხანის განძი. ჩაქვი, ასევე, ქართული მეჩაიეობის ერთ-ერთი პირველი ცენტრი გახლდათ. აქ ჩაის კულტურის განვითარება ჩინელი ლაო ჯონჯაოს სახელს უკავშირდება.